Historia

Bilboko Begoñazpi – Merced FKT eta SD San Ignacio Futbol Klubek 2014an ekimen bat jarri zuten abian, Bilboko nesken artean futbol-proiektu bat sustatzeko.

Bi klubek ulertu zuten emakumezkoen futbol-proiektu hori ez zela guztiz beteko, kirol honetan hasi nahi zuten neska guztiek funtsezko bi helburu lortzen ez bazituzten:

1. KIROLA: Gure goragoko mailako taldeetan parte har dezaketen jokalariak prestatzea.
2. ARLO PERTSONALA: bizitzako garapen-une batean, maila fisikoan, fisiologikoan, emozionalean eta abarrean aldaketa handiak eta etengabeak dituzten pertsonei laguntzea… Azken batean, laguntza eta orientabidea ematea pertsona moduan garapen integrala lortzeko.

Helburua zen epe labur, ertain eta luzean neskak beren adineko eta zaletasun bereko beste neska batzuekin harremanetan egon ahal izatea, eta, horrela, alderdi fisikoak zein tekniko-taktikoak lantzea, aisialdi antolatu, parte-hartzaile eta hezitzailea duen testuinguru batean.

Era berean, neska horiek etorkizunean beren prestakuntzarekin jarraitu nahi izango balute, futbolean jardunez, hala egin ahal izango lukete, kategoria desberdinetan taldeak egonda jarraipen hori bermatzen baitzen.

Hasierako proiektu hartatik eratorritako beste emaitza batzuen artean, komeni da azpimarratzea 2019an futbol klub berri bat sortu zela, emakumez osatua: Bilbao Artizarrak F.K. izenekoa, irabazi-asmorik gabeko elkarte pribatua, iraupen muga gabekoa, nortasun juridiko propioa eta jarduteko gaitasuna izango ditu, eta helburu nagusia kirol hori sustatzea eta praktikatzea izango du.

KIROL ATALA

Egindako kirol eskaintzak bi atal jorratu ditu:

• Alde batetik, bi klubek hasi zuten kirol proiektuan parte hartzeko aukera eskaintzea, futbola praktikatzen hasi nahi duten eta non ez dakiten Bilboko eta inguruko neskei

• Bestalde eta Bilboko nesken artean futbolaren aldeko apustua sendotzea pentsatuz, emakumezkoen futbol eskola bat sortzea.

2019-2020 denboraldian, gure taldeek hainbat lehiaketatan hartzen dute parte, futbol federatuan zein eskola-futbolean, baita hastapen-jardueretan ere.

• KIROL FEDERATUA:

• Lurraldekoa

• Kadetea

• ESKOLA-KIROLA:

• 2 Gaztetxoak F9

• 2 Umeak f7

• 1 Umetxoak f7

• HASTAPENEKO KIROLA:

• Futbol eskola

Planteatutako ekimena Bilboko eta haren eragin-eremuko neska guztiei zuzenduta dago, hiru maila hauetan:

1. MAILA: FUTBOL ESKOLA

Adin guztietako neskak sartzen dira. Lehiarik gabekoa eta bateragarria beren klubekin eta/edo jatorrizko zentroekin parte hartzearekin.

Une honetan igande goizetan funtzionatzen du San Inazio Udal Kiroldegiko futbol zelaian. Denboraldi honetarako 18-20 jardunaldi aurreikusi dituzte. 2020ko ekainean amaituko da.

2. MAILA: ESKOLA-FUTBOLA

3. MAILA: FUTBOL FEDERATUA

Lurraldekoa San Ignacio S.D. izenarekin lehiatzen da denboraldi honetan, kirol arrazoiengatik, bere jokalariei kategoria nazionalean jokatzeko aukera ematen baitie muga administratibo txikiagoekin.

Beraz, Bilbao Artizarrak FK-k 102 jokalari inguru ditu gaur egun (Eskolako Futbola 64 + Futbol Federatua 38).

Nolanahi ere, gure helburu nagusia berretsi nahi dugu: neskato horiei, futbolean aritzeko zaletasuna dutenei, pertsona eta kirolari gisa hazteko aukera ematea.